I-download ang Epic Games para sa Mobile - Epic Games Store
Libreng Giveaway
Kumuha ng bagong libreng laro tuwing Huwebes sa Mobile at PC! Available ang app sa buong mundo sa Android, at sa mga sinusuportahang rehiyon sa iPhone at iPad.
Makatanggap ng hanggang sa 20% sa Mga Reward ng Epic
Sa tuwing may bibilhin ka sa Epic Games Store, mababawi ang 5% hanggang sa 20% sa Mga Reward ng Epic.
Epic Games App
Available na ang cross-platform na text chat at Epic Authenticator.
Para sa mga iPhone at iPad
Ang lahat ng kailangan mong malaman tungkol sa pag-install ng Epic Games Store sa iyong iPhone o iPad sa mga sinusuportahang rehiyon.
Para sa Android
Ang lahat ng kailangan mong malaman tungkol sa pag-install ng Epic Games Store sa iyong Android device.
I-enable ang Mga Pagkontrol ng Magulang
Ibinibigay sa iyo ng Epic Games ang mga tool para pamahalaan ang access ng iyong anak sa lahat ng produkto ng Epic.
Mga madalas itanong
Inihahatid ng mobile app ng Epic Games Store para sa iPhone, iPad, Android ang dumaraming seleksiyon ng mga laro at mahahalagang account feature direkta sa iyong mobile device. I-download ang mga sinusuportahang laro mula sa Epic at aming mga partner, manatiling konektado gamit ang cross-platform text chat, at ligtas na pamahalaan ang iyong account gamit ang built-in na dalawang hakbang na pagpapatunay. Patuloy na ilalabas ang mga karagdagang laro at feature sa paglipas ng panahon.
Available ang Epic Games Store sa buong mundo sa PC, Mac, at mga Android device, maliban kung saan ipinagbabawal ng naaangkop na batas, kabilang na ang mga U.S. sanctions program (halimbawa, North Korea at Iran). Kasalukuyang available ang Epic Games Store mobile app para sa iPhone at iPad sa European Union at sa iPhone sa Japan. Nakaplano ang pagpapalawig sa Brazil kalaunan sa 2026. May mga karagdagang rehiyon din na kalaunang iaanunsiyo.
Puwede mong i-install ang Epic Games Store para sa iPhone, iPad, at Android nang direkta sa iyong device gamit ang QR code o link sa itaas ng page na ito. Kung gusto mo ng higit pang impormasyon tungkol sa kung paano i-install ang bersiyon para sa iPhone, mangyaring pumunta rito (Magbubukas ng bagong tab). Kung gusto mo ng higit pang impormasyon tungkol sa kung paano i-install ang bersiyon para sa Android, mangyaring pumunta rito (Magbubukas ng bagong tab).
Oo, puwede kang mag-log in sa iyong umiiral na account sa Epic Games sa Fortnite, Fall Guys, at Rocket League Sideswipe. Tandaan, posibleng mayroon ka nang umiiral na account mula sa iba pang platform. Mangyaring magsuri bago mag-sign up para sa isang bagong account!
Nagbibigay ang Epic Games App ng seguridad sa account at mga communication feature para sa iyong account sa Epic Games. Kasama rito ang Epic Authenticator para sa dalawang hakbang na pagpapatunay (2FA), na tumutulong na i-verify ang mga pag-sign-in sa mga PC, console, at mobile device. Binibigyan ka ng pagkakataon ng cross-platform text chat (available sa PC, console, at mobile) na padalhan ng mensahe ang mga kaibigan at manatiling konektado sa mga sinusuportahang platform.
Para sa kumpletong tagubilin sa pag-enable ng 2FA at iba pang feature na panseguridad sa iyong account sa Epic Games, bisitahin ang aming artikulo ng tulong dito (Magbubukas ng bagong tab). Kapag na-enable na, natutulungan mong mapangalagaan ang account mo mula sa hindi awtorisadong pag-access.
Tulad ng PC/Mac store, magkakaroon ng mga eksklusibong laro. Sa paglunsad, itatampok ng Epic Games Store para sa iPhone, iPad, at Android ang Fortnite, Fall Guys, Rocket League Sideswipe, na lahat magiging available din sa anumang store na nag-aalok ng magagandang tuntunin.
Oo. Available ang mga third-party na laro sa Epic Games Store para sa Android sa buong mundo at para sa iPhone at iPad sa EU. Ang mga karagdagang rehiyon, kabilang na ang Japan, ay susuportahan sa ibang petsa.
Oo, puwedeng magkaroon ang mga larong available sa Epic Games Store para sa iPhone, iPad, at Android ng mga in-game na pagbili gamit ang tagaproseso ng pagbabayad namin o ng developer. Darating sa hinaharap ang kakayahang bumili ng mga produkto nang direkta sa pamamagitan ng Epic Games Store para sa iPhone, iPad, at Android.
Oo, ang Fortnite at Fall Guys ay parehong mobile na bersiyon ng buong laro, na nagtatampok ng buong functionality, na nagbibigay-daan sa paglalaro sa iba't ibang platform at pag-usad ng account sa iba't ibang platform.
Puwedeng i-install ang Epic Games Store mobile app sa mga iPhone na may iOS 17.6 o mas bago, mga iPad na may iPadOS 18 o mas bago, at sa mga Android device na may hindi bababa sa Android 8/SDK 26 o mas bago (inirerekomenda namin ang Android 14/SDK 34 o mas bago para sa pinakamagandang performance), at kailangan nito ng nasa 25MB na storage.
Para ma-install ang Epic Games Store, dapat gumagamit ang mga iPhone ng bersiyon ng iOS na 17.6 o mas bago, at dapat gumagamit ang mga iPad ng iPadOS 18 o mas bago. Pakitiyak na gumagamit ka ng compatible na device at bersiyon ng OS. Para sa karagdagang impormasyon tungkol sa mga kinakailangan sa pag-install, pakitingnan ang aming mga artikulo ng suporta sa player (Magbubukas ng bagong tab).
Kapag na-install na ang isang app mula sa Epic Games Store para sa iPhone, iPad, at Android, ito ay awtomatikong ina-update at tinatrato tulad ng iba pang app sa iyong phone. Kung hindi ito gumagana, sa pamamagitan ng iyong mga napiling setting ng pamamahala sa app o iba pa, puwede kang mano-manong mag-update sa pamamagitan ng Epic Games Store para sa iPhone, iPad, at Android, kung saan makikita mong pinalitan ng button na I-update ang button na I-install sa Page ng Detalye ng Produkto para sa anumang app na na-install mo na.
Ang Epic Games ay may mga pagkontrol ng magulang sa antas ng account na tumutulong sa mga magulang na pamahalaan ang access ng kanilang anak sa lahat ng produkto ng Epic. Bagaman hindi pa naa-access ang mga pagkontrol na ito sa Epic Games Store para sa iPhone, iPad, at Android, nilalayon naming gawing accessible ang mga ito sa isang pag-update sa hinaharap. Para sa karagdagang impormasyon tungkol sa aming mga pagkontrol ng magulang, kabilang ang kung paano i-activate ang mga ito, mangyaring bumisita rito (Magbubukas ng bagong tab).