Huwebes na, at ibig sabihin may isa na namang libreng laro na puwede mong i-download sa Epic Games Store para sa mobile!

Mula Hulyo 24 – 31, 2025 sa mobile app ng Epic Games Store, makakakuha mo nang libre ang Doodle Mafia. Available ito sa Android sa buong mundo at sa iOS sa European Union.

*Tandaan: Posibleng hindi available sa lahat ng rehiyon

Doodle Mafia

JoyBits

Hinahayaan ka ng Doodle Mafia na mag-roleplay bilang isang kriminal o pulis, at libre ito sa linggong ito sa Epic Games Store para sa mobile. 

Ano ang kailangan mo para makagawa ng solidong Kuwentong Detective? Ayon sa Doodle Mafia, may apat na sangkap: ang Krimen, Tao, Wallet, at Metal Bar. Kapag  pinagsama-sama ang lahat ng apat na Elementong iyon, hindi ka lang makakakuha ng Kuwentong Detective, pero makakakuha ka rin ng pangunahing premise ng gameplay sa larong Doodle Mafia ng developer na JoyBits. 

Gaya ng ibang laro sa prangkisa ng Doodle, pinagsasama-sama ng mga player ang iba’t ibang Elemento sa iba’t ibang paraan para lumikha ng bago. Pagsamahin ang Metal Bar at Krimen, halimbawa, at makakagawa ka ng Break-In. Sa isang iglap matapos ang iyong pagtuklas, sisirain mo na ang mga kandado at sisipain ang mga pinto. 

Ang pagsagot sa mga lohikal na puzzle ng Doodle Mafia ang nagtutulak sa iyo pasulong sa isang buhay ng krimen, habang lumalawak ang iyong mga opsyon base sa mga Elementong iyong nalikha. Kunin ang Break-In na ginawa mo at isama ito sa Gusali, halimbawa, at makakalikha ka ng Alahas. Pagsamahin ang Alahas at Alahas, at makakagawa ka ng Baul. Pagsamahin ang dalawang Baul, at magkakaroon ka ng Safe. Ngayon ay papunta ka na sa pagnanakaw ng malaking halaga ng salapi, pagbuo ng sariling gang, pagprotekta sa mga nakaw mong yaman, at pagiging Big Boss. 

At iyan ay sa panig pa lang ng gangster. Kapag isa kang pulis, trabaho mong hadlangan ang masasama gamit ang parehong mga puzzle ng lohika para lumikha ng kontra-krimen. 

Maraming iba’t ibang mode ng laro, mga kuwento, at higit pa sa 500 puzzle na lulutasin at mga item na lilikhain sa Doodle Mafia—at magagawa mo ang lahat ng ito nang libre! 

I-download ang Doodle Mafia nang libre ngayon, pero hindi kailangang magtapos ang pakikipagsapalaran mo roon. Tingnan ang Epic Games Store sa mobile para makita ang lumalaking catalog. At kung interesado ka sa higit pang feature, gabay, at balita tungkol sa lahat ng video game, tingnan din ang news page ng Epic Games Store.