Alamin ang mga pinakabagong update para sa Marvel Tōkon, The Division 2, at Genshin Impact, pati na rin ang dalawang libreng laro na makukuha ngayong linggo.

Dumating na si Phoenix Cyclops sa roster ng Marvel Tōkon: Fighting Souls para ipagdiwang ang unang anibersaryo ng laro. Isa siyang pakulo sa regular na karakter na Cyclops at nagdadala siya ng nagbabagang lakas ng Phoenix sa labanan. Available siya kasama ng Year 1 Pass.

Idinisenyo siya bilang all-rounder, kaya makakalaban siya sa malapitan at malayuan. Binibigyang-daan siya ng Phoenix Force niyang makontrol ang malalaking bahagi ng battlefield, habang pananatilihin namang alerto ng iba't iba niyang Optic Blast technique ang mga kalaban.

Abangan ang Solar Shards—binibigyang-daan ng mga ito si Cyclops na mag-transform bilang Dark Phoenix, na nagbibigay ng pansamantalang power boost kapalit ng bawas sa health.

Tingnan ang malalim na pagsusuri sa ibaba.

Ini-launch ngayong linggo ang "pinakamadilim at pinakanakakabagabag" na DLC sa The Division 2. Nag-e-explore ang Echoes of Central Park ng hindi pa nakikitang bahagi ng Manhattan na nanatiling nakasara mula nang magsimula ang outbreak. 

Kailangang tugisin ng Agents si Miranda Veer, ang CEO ng Veer Corp pagkatapos silang dalhin ng distress call nito sa Central Park, isang malawakang libingan para sa mga biktima ng outbreak. 

Ayon sa Ubisoft: "Nagpapakilala ang Echoes of Central Park ng bagong campaign na nagdadala sa Agents sa buong Upper West Side, mula sa Lincoln Square hanggang sa distrito ng Dakota, habang iniimbestigahan nila ang misteryo kaugnay ng Central Park."

"Sa buong campaign, may mga makakasama ang players at kukunin nila ang tiwala ng mga ito habang nag-a-unlock sila ng mga natatanging kakayahang makakatulong sa kanila sa pakikipaglaban. Nag-aalok ang bawat kasama ng iba't ibang kakayahang aangkop sa iba't ibang diskarte sa pakikipaglaban. Maa-unlock din ng players ang anim na bagong variant ng skill na hango sa mga katatakutang kakaharapin nila sa parke at maibabalik nila ang mga ito sa pangunahing laro. Hatid din ng DLC ang isang bagong Exotic Weapon, The Ratel, at bagong gear set."

Dumating na ang Hour of Ruin sa Genshin Impact. Hatid ng 7.2 update ang mga bagong karakter, bagong content ng kuwento, at maraming pagpapabuti sa kalidad ng buhay. 

Ang dalawang bagong karakter ay ang four-star na si Valeriy at five-star na si Mitya, na parehong Electro.

Tungkol sa minimap ang pinakamalaking QOL update, kung saan posibleng magkaroon ng kaunting kalituhan sa kung ano ang tina-track. Ngayon, "basta't may karakter ka sa party mong makakapagpakita ng mga kalapit na local Specialty, uunahin ng minimap ang markers para sa specialty na iyon kapag nag-track ka ng partikular na Local Specialty."

Sa mga bagong lugar, bagong sandata, at marami pang iba, narito na ang Hour of Ruin. 

Kung magla-log in ka sa Idle Champions of the Forgotten Realms sa pagitan ng Nov 6, 12 AM GMT+8 at Nov 13, 12 AM GMT+8, puwede mong i-claim ang Morte’s Champions of Renown Pack na nagkakahalaga ng higit sa $100 USD, nang Libre. Hatid ng pack na ito sa laro mo si Morte mula sa Planescape: Torment. Mahusay na opsiyon sa pag-tank ang undead na bungo ng taong magaling umiwas sa mga atake ng kaaway.

Kabilang din sa pack sina Nordom, Donaar, Sentry, at Sheila, pati ang 32 Platinum Chest bawat isa, dalawang pang-isang linggong potion, at isang eksklusibong Kapak Draconian na familiar. 

Naging tahanan ang basura sa Flotsam! Libreng makuha ang sea-based city-builder hanggang sa Nov 12.

Bumuo ng lumulutang na lungsod sa pamamagitan ng pagkakalkal ng mga inanod na kahoy, plastik, at mga basura sa tubig, at pag-recycle ng mga basura para magtayo ng mga pasilidad, pabahay, at mga istruktura ng enerhiya. Binibigyan ang castaways ng mga gawain para mangolekta ng malinis na tubig, maghanap ng makakain o mangisda, at panatilihin ang kanilang kalusugan at kaligayahan. Maglayag sa mga procedurally-generated na karagatan gamit ang mga custom-built na bangka para makatuklas ng bagong ruins, reefs, at resources habang nakikipaglaban sa mga nilalang sa dagat at paiba-ibang agos para matiyak ang kaligtasan ng kanilang komunidad.