Balita
Ang Wizordum Ay Nakatutuwang '90s-style Na FPS Game Na Hinahayaan Kang Bumuo Ng Sariling Mong Mga Level
A
Alyssa Mercante
Isang bangkay ang nakahiga sa malapit, isang patulis na pool ng dugo ang tumutulo mula rito. Hinahampas ko ito ng aking pamalo at kinokolekta ang nakulimbat dito. Ang nag-iisang developer ng Emberheart Games, ang Slovenian na si Primož Vovk, ay nagsabi na puwede mo lang durugin ang mga bangkay sa Early Access na bersyon ng Wizordum (na nagpapasaya sa mga player mula pa noong Nobyembre 2023). "Ang feedback ng player ay parang, 'hoy, puwede bang pagnakawan na lang namin sila," sabi niya na tumatawa.
Puno ng kakaibang pantasya ang balangkas ng Wizordum: Isang sinaunang selyo ang nabasag na nagpapakawala ng Kaguluhan, at isa ka sa mga huling mage ng Wizordum na inatasan sa paghahanap ng pinagmulan ng lahat ng kaguluhang ito. Magsisimula ka sa labas ng isang medieval-style na kastilyo, ngunit habang sumusulong ka sa laro, lalaban ka sa isang wintery biome, mga lupang nababad sa lava, at isang magic forest. At sa lahat ng ito, kailangan mong makipaglaban sa mga ogre at goblin, na sa una ng armado ng tungkod, ngunit sa kalaunan ay may ilang mga astig na sandatang panira tulad ng isang tungkod na nagbubuga ng yelo (na puwede mong basagin para mawasak ang mga kalaban) at mga singsing na kayang magbuga ng apoy mula sa magkabilang kamay.
Mabilis at medyo simple ito, na binuo para sa mabilis na pagtakbo at paghahanap ng lihim. Sinasabi sa akin ni Vovk na may higit sa 200 ang lihim na nakatago sa Wizordum, at kahit na tiyak na marami ang hahanapin at gagawin, ang layunin ay para madaling makahabol ang mga player sa laro matapos magtagal sa malayo. Binanggit ni Vovk ang isang bagong pamagat ng Doom, at sinabi niyang nang matagal siyang tumigil dito, nahirapan siyang maalala kung paano ito laruin. Hindi niya nagustuhan ang karanasang iyon, kaya naman tiniyak niyang ang Wizordum ay “medyo casual.”
Magandang salita ang casual— bagaman pinili ko ang mangkukulam at mabilis kong natutunan na dumadaan lang nang mabilis ang mundo habang naglalakbay ako rito, at hindi ko kailanman naramdamang nalulunod ako. Madaling makita at madaling patayin ang mga kalaban, at ang mga mapa, sa kabila ng pagkakaroon ng mga nakatagong kayamanan, ay simpleng i-navigate. Kung may makaligtaan ako, madali kong mababalikan. Kung liliko ako sa isang sulok at magsimulang mapinsala, madaling bumaling para patayin ang isang ogre na nambabato ng mga bolang apoy sa akin.
Mabilis na kumikilos ang Wizordum at punong-puno ng mga makukuhang item, mga kalaban na lalabanan, at mga sikretong matutuklasan, at patunay ito sa mga kasanayan ni Vovk sa disenyo ng laro na mapapamahalaan ito hanggang matapos. Kahit ilang minutong paglalaro lang, madaling makita kung paanong kayang hilahin ka ng Wizordum para mahumaling ka, pero hindi naman sobra na hindi mo na ito mabitawan para kumain ng hapunan.
Ngunit marahil ang pinakaastig na aspeto ng laro ng Emberhart ay ang built-in na level editor nito, na parehong feature na ginamit ni Vovk para magawa ang mga in-game na mapa. Puwedeng gamitin ng mga PC player ito para gumawa ng sarili nilang speed-running challenges at agad itong i-upload sa laro para masubukan ng iba (kapag dumating ang Wizordum sa console, kasama nitong dadalhin ang mga fan-made level, pero hindi ang editor mismo). Puwede silang pumili kung saan magsisimula at magtatapos ang player sa level, maghulog ng mga kalaban at item sa daan, at magdagdag ng mga nakatutuwang elemento tulad ng hamog, alikabok, at mga pekeng pader na nagbubukas papunta sa mga lihim na lugar.
Ang level editor ay parang marka ng halik na may lipstick sa dulo ng isang love letter para sa mga FPS na laro noong ‘90s. "Wala nang kasamang level editor ang mga laro," itinuro ni Vovk. Hindi na nakapagtataka na ang hatid na nostalgia ng Wizordum, dagdag pa ang lumang-style na level editor (na nagpapaalala sa mga larong gaya ng Duke Nukem 3D), na nagpasikat nang husto sa feature na ito. Gustung-gusto ito ng mga player; sinabi sa akin ni Vovk na talagang nagustuhan ito ng isang player kaya gumugol ito ng higit sa 600 oras sa level editor. Napakaganda ng mga build niya kaya kinuha siya ng Emberheart at Apogee para gumawa ng isang lihim na level sa laro.
Matapos ang ilang taong nasa Early Access, darating na ang Wizordum sa consoles at sa Epic Games Store, dala ang lahat ng nostalgic na saya ng ‘90s at mga kakaibang level na gawa ng mga tagahanga. Kung gusto mong ikaw mismo ang bumuo ng ilang level, tandaan na kakailanganin mo itong laruin sa PC para magkaroon ka ng ganoong kakayahan. Kung nagpapasaya sa iyo ang magpalamig ng mga ogre hanggang maging pangit na popsicle at durugin sila gamit ang mala-salamangkerong pangkumpas, naghihintay sa iyo ang Wizordum .