Inilabas na ang Honkai Impact 3rd - v9.1 | Kunin ang Home & Sker Ritual nang libre ngayong linggo

Kumuha ng dalawang libreng nakakatakot na laro at sumabak sa Honkai ngayong linggo.

Nagsimula ang Honkai Impact 3rd - v9.1 A New Page in Time noong Oct 22 at hatid nito ang bagong S-rank battlesuit na Herrscher of Time. Mag-log in para sa 55 drop at 2 Battlesuit Option!

May mga nakakatuwang event na darating sa 9.1, kabilang ang naka-feature na event: "We Meet: A Toy House of Memories". Magpatakbo ng maliit na arcade, at makukuha mo ang bagong outfit ng Lone Planetfarer na "Another Dream's Captive", Crystals, Source Prisms, A Fairy Tale of the Years Emblem, at marami pang iba.

Bibigyang-daan ka ng Main Story Part 2 Afterstory "The Sea Sings With the Voice of Fire" na maranasan ang bagong kabanata para makakuha ng Crystals, Source Prisms, AE Imaginons, at marami pang iba.

Kailangan mo ba ng kaunting tulong para magsimula? Basahin ang aming gabay sa mga gacha na laro para maunawaan ang lahat ng termino, at makikita mo sa ibaba ang malalimang pagtalakay sa bagong update. 

Darating ang isang evergreen na pixel horror classic, ang Home, sa Epic Games Store ngayong linggo, at libre ito hanggang sa Oct 29. Isa itong bihirang uri ng laro, kung saan ganap na subjective ang unti-unting nabubunyag na murder mystery. Mag-isa kang gigising, sa isang misteryosong bahay, malapit sa isang bangkay, at kailangan mong alamin kung ano ang nangyari. 

Nakadepende ang lahat sa items na mahahanap mo, clues na susuriin mo, at mga rutang tatahakin mo sa madilim na bahay na iniilawan ng lampara. May iba't ibang wakas ang resulta ng misteryo, na nakabatay sa sarili mong paglalakbay. 

Isa itong pixelly twist sa puzzles at pananaw. 

Makipaglaban sa waves ng undead—ang mala-zombie na Quiet Ones—sa Sker Ritual, ang nakakagulat na spin-off mula sa award-winning na British indie horror na larong Maid of Sker. 

Hanggang sa apat na player ang puwedeng magtanggol sa Sker Island mula sa matinding pagkawasak nito at sa pagkakadamay ng mundo rito. Isa itong steampunk twist sa zombie mode ng Call of Duty, kung saan gagamit ka ng mabibigat na revolver at naglalakihang blunderbuss para bawasan ang bilang ng Quiet Ones. Kapag tumindi na ang labanan, tumawag ng Miracles mula mismo sa mga diyos; baliktarin ang takbo ng laban kontra sa rumaragsang masamang kulto gamit ang malalakas na pagsabog ng kuryente o apoy. 

Kunin ang laro, at basahin ang lahat ng tungkol sa kung paano muling inimbento ng Wales Interactive ang wave-based zombie shooter sa aming eksklusibong interview. 

Enjoy!