Old World - Empires of the Indus

Ang mga Maurya ay mga pinuno ng isang makapangyarihang Iron Age empire na minsang naghari sa buong rehiyon sa loob ng maraming siglo sa ilalim ng pamumuno nina Chandragupta at Ashoka. Mamuno at magtatag ng mahusay na legacy para sa mga taong nasasakupan mo na magpapabago sa mundo sa darating na milenya. Pumili ng isa sa anim na makapangyarihang pamilya para maipalaganap ang empire nito, na puwedeng sa pamamagitan ng malalakas at mapapanganib nilang Assault Elephant at Armored Elephant, o sa pamamagitan ng espirituwalidad sa pagtatatag ng Buddhism bilang bagong Relihiyong Pandaigdigan, kung saan ang kahanga-hangang Mahabodhi Temple ang Banal na Lugar nito.

Ang mga Yuezhi , na dating mga nomad, ang nagtatag ng dakilang Kushan Empire sa ilalim ng pamumuno ni Kujula, na lumawak pa mula sa Bactria hanggang sa Gangetic Plain, dahil sa pagtatagumpay ni Kanishka sa larangang militar. Pamunuan ang malalakas na horse lord na ito habang sinisikap nilang pagkaisahin ang mga tribo gamit ang natatangi nilang Vassalize Tribe Mission, kung saan sapilitan silang nakikipag-alyansa sa kahit anong tribong nasyon na mas mahina sa kanila. At kapag hindi gumana ang pananakot, puwede namang lantarang manakop – ang mga yunit ng Kushan Cavalry at Kushan Warlord ang unang sumasalakay at nananalo sa mga digmaan gamit ang Shock Cavalry ability nila.

Ipinapakita ng Tamilakam ang pag-angat ng kulturang Sangam bilang isang nasyon kung saan nagkakaisa ang tatlong sinaunang kahariang Tamil sa ilalim ng isang bandila. Pamunuan ang Cholas, Cheras, o Pandyas – na inirerepresenta bilang mga pamilya – habang nag-aagawan sila sa kapangyarihan. Ilagay ang mga karakter sa mga maimpluwensiyang posisyon para mabigyan ng kapangyarihan ang mga pamilya, na posibleng magpabago sa lider at kapital ng nasyon, kung saan magagamit nila ang natatangi nilang benepisyo habang nakaupo sa trono. At kung may manghimasok mang tagalabas, gagamitin ang Javelin Elephant at Elephant Archers ng Tamilakam bilang matibay na depensa.

Ang mga Hun - bago pa makilala si Genghis Khan, lumabas na sa Steppes ang mga Hun para pagharian ang sinaunang mundo. Mas malupit ang bagong tribong ito kaysa sa iba nilang mga karibal, at mabigat silang kalaban ng sinumang magtatangkang manakop sa kanila. Tampok din dito ang mga event na may kinalaman sa pinakasikat na anak ng grupong ito na si Attila the Hun.

Mga Relihiyon : Dalawa ang relihiyon sa subcontinent na ito. Nagsimula sa Hinduism ang lahat ng tatlong bagong nasyon. Ipinalaganap ang pananampalatayang ito sa mga Shrine at pinagtrabaho ang mga disipulong Brahmin para magtayo ng mga gusaling panrelihiyon at magtatag ng mga Teolohiya. Samantala, puwedeng itatag ng mga Mauryan ang Buddhism bilang isang bagong Relihiyong Pandaigdigan sa pamamagitan ng isang natatanging proyekto, habang puwede rin itong gawin ng iba kapag nagkaroon na ang mundo ng apat na pandaigdigang Teolohiya at naipatupad na ang batas ng Pilosopiya.

Apat na bagong Wonder , isa para sa bawat level ng kultura:

Ang uri ng halaman sa Gubat, na parang kakahuyan pero may mas matibay na ranged defense at movement penalty.

Mahigit 200 bagong event, 60 bagong ambisyon, 11 bagong Cognomen, at apat na bagong rare resource tulad ng Jade, Silk, Spices, at Ebony.

Tatlong bagong mapscript at limang pre-made map, na sumasaklaw sa lahat mula sa buong subcontinent hanggang sa mas maliliit na duel map na naka-set sa Indus Valley o sa Bactria na napalilibutan ng lupa.