Balita
10 sa pinakamagagandang zombie game na puwede mong laruin ngayon
E
Epic Games
Ang mga zombie video game ay may iba’t ibang anyo, laki, at genre na maiisip mo. Kaya mahirap nang salain ang lumalaking dami ng nakakatuwang mga zombie game o piliin kung aling mga zombie survival game ang swak sa panlasa mo.
Narito kami para tumulong gamit ang aming listahan ng 10 pinakamagagandang zombie game sa PC na maaari mo nang laruin sa Epic Games Store. Mula sa mga survival game hanggang sa mga narrative adventure at first-person shooter, siguradong makakahanap ka ng larong gugustuhin mong paglaanan ng oras.
1. The Walking Dead: The Telltale Definitive Series
Ginaganap sa mundo ng award-winning na seryeng The Walking Dead ni Robert Kirkman, ang laro mula sa Telltale na ito ay namumukod-tangi sa karamihan ng zombie game dahil nakatuon ito sa karanasan ng kuwento. Ginagampanan ng mga player ang papel ni Lee Everett habang sinisikap niyang mabuhay sa gitna ng zombie outbreak habang pinoprotektahan ang isang batang ulila na si Clementine.
Tulad ng karamihan sa mga laro ng Telltale, ang The Walking Dead ay isang adventure game kung saan ang mga desisyong ginagawa ng player ay may direktang epekto sa takbo ng kuwento. Ang mga opsyon sa pakikipag-usap, interaksyon sa mga NPC, at mga direktang aksyon ay nagpapabago ng daloy ng iyong karanasan. May ilang mabilisang kaganapan din na kailangang lampasan ang mga player.
Ang The Walking Dead ng Telltale ay isang mahusay na laro para sa mga player na naghahanap ng larong nakatuon sa karanasan sa naratibong nakapokus sa mga karakter at kanilang pag–usad sa loob ng nabubuong kuwento. Iyon ang kaibahan nito: Hindi tulad ng karamihan sa mga laro sa listahang ito na nakatuon sa aksyon, ang The Walking Dead ng Telltale ay hinangaan ng marami dahil sa malalim at emosyonal nitong kuwento. At dahil sa mga sangay ng kuwento at iba't ibang opsyon sa pag-uusap, mahusay rin itong laruin nang paulit-ulit.
2. The Last of Us Part 1
Kung naghahanap ka ng zombie video game na puno ng aksyon, tensyon, at nakakaigting na kuwento, mahirap nang tapatan ang The Last of Us Part 1 ng Naughty Dog. Nagaganap ang laro sa isang post-apocalyptic na mundo na winasak ng fungal cordyceps virus na ginagawa ang mga taong halimaw na uhaw sa laman. Ginagampanan ng mga player ang papel ni Joel Miller, na inatasang maghatid ng isang dalagita, na si Ellie, sa isang militia na kilalang Fireflies. Naglakbay ang dalawa sa nawawasak na Estados Unidos. Kapag naging matagumpay sila, maaaring makapagbigay-lunas sa virus ang paglalakbay nila.
Ang gameplay ng The Last of Us Part 1 ay pinaghalong third-person action-adventure at madadaling puzzle. Hindi lang mga naimpeksyon ang kalaban ng mga player, kundi pati ang mga gumagalang gang. May mga baril, malapitang sandata, at iba pang improbisadong sandata tulad ng mga pana at molotov cocktail na maaaring gamitin ang player, at maaari ding humingi ng tulong si Joel kay Ellie, na kontrolado ng AI, sa ilang sitwasyon. Mahalaga rin ang panlilinlang sa The Last of Us, dahil makakatulong ang matagumpay na palihim na paggalaw ng mga player para malamangan ang mga kalaban. Bukod sa kalidad ng gameplay, tampok din sa The Last of Us ang makapangyarihan at emosyonal na kuwento na talaga namang nagpapataas ng kabuuang karanasan sa zombie game na ito.
3. Dead Space
Hindi tulad ng ibang zombie game sa PC sa listahang ito, nag-aalok ang Dead Space mula sa Motive Studio ng nakakapanabik na sci-fi survival-horror na karanasan. Gagampanan mo rito si Isaac Clarke, isang inhinyerong nakulong sa loob ng spaceship na Ishimura. Sa paligid ni Isaac ay ang misteryoso at nakakakilabot na trahedyang pinapalala ng lumalaking bilang ng mga nag-mutate na tao na kilala bilang Necromorphs. Gampanan mo ang papel ni Isaac at subukang mabuhay sa iyong paglalakbay sa loob ng Ishimura gamit ang iba’t ibang kasangkapang ginawang pansamantalang sandata, habang pinuputol at nilalabanan mo ang mga Necromorphs sa daan.
Puno ang Dead Space ng tensyon, mga panggugulat, at matitinding tema ng pisikal na karahasan at pagputol ng katawan. Habang kahawig nito ang ilang mechanics sa gameplay ng ibang zombie game sa listahang ito, ang kakaibang setting at nakakakilabot nitong kuwento ang dahilan kung bakit isa ito sa mga modernong klasikong sulit laruin.
4. Plants vs. Zombies
Ang Plants vs. Zombies ay siguradong patok sa mga naghahanap ng masayang zombie game na malalaro ng buong pamilya. Sa klasikong tower defense zombie game na ito, layunin ng mga player na pangalagaan ang kanilang hardin laban sa sunod-sunod na pagsalakay ng mga zombie. Para maiwasang maging pangunahing putahe sa zombie buffet, magtatanim ka ng mga halaman tulad ng pea-shooting na gulay at mga bulaklak na kumakain ng zombie.
Dahil sa cute at tila cartoon na disenyo ng Plants vs. Zombies at kawalan nito ng dugo at karahasan, isa itong pampamilyang laro. Hindi rin mahirap intindihin ang larong ito, kaya hindi magkakaproblema ang mga batang player.
5. Back 4 Blood
Bilang espirituwal na kahalili ng seryeng Left 4 Dead, ang Back 4 Blood ng Turtle Rock Studios ay isang co-op survival-horror FPS kung saan ang mga player ay kailangang makarating mula punto A hanggang punto B habang nilalabanan ang tila walang katapusang dagsa ng mga zombie gamit ang iba’t ibang baril at sandatang melee.
Bukod sa karaniwang mga zombie, may mga espesyal na klase rin ng zombie na kahaharapin ng mga player, tulad ng Hocker na sumusuka ng asido, ang sumasabog na Retch, at ang dambuhalang armadong Breaker. Maaaring pumili ang mga player mula sa iba’t ibang karakter at i-customize ang kanilang loadout gamit ang lumalawak na koleksyon ng mga card na nagbibigay ng iba’t ibang pakinabang o kagamitan. Ang Back 4 Blood ay isa sa pinakamahuhusay na zombie game para sa mga player na naghahanap ng matinding co-op shooter na karanasan.
6. Dead Island 2
Ang Los Angeles na puno ng zombie ang pinagganapan ng Dambuster Studio ng Dead Island 2, na naglalagay sa player sa sitwasyon ng isa sa anim na pumapatay ng zombie. Ang bawat karakter ay may kanya-kanyang kakayahan at kasanayan, ngunit iisa lang ang layunin: saksakin at tagpasin ang mga elitistang naging zombie.
Pinapayagan ng zombie game sa PC na ito ang mga player na tuklasin ang City of Angels bilang open-world na kapaligiran na puno ng mga iconic na lokasyon. Sa first-person action role-playing game na ito, nangongolekta at binabago ng mga sandata ang mga karakter, tumataas ang antas, at sa halip na gumamit ng skill tree, pinapalakas ang kanilang kakayahan sa pamamagitan ng lumalawak na deck ng mga card. Habang unti-unti mong nadidiskubre ang sanhi ng outbreak at sinusubukang makatakas mula sa quarantine zone, maaari mong harapin ang mga gumagalang zombie nang mag-isa o magsama ng mga co-op na kaibigan sa isang puno ng aksyong horror adventure.
Ang madugong labanan sa Dead Island 2 ay realistikong tumutugon batay sa uri ng ginamit na sandata, na nagdudulot ng pinsala, pagkaputol ng katawan, pagkabali ng buto, at pagkawasak ng laman. Maaari ring maging napakarami at mapanganib ang mga gumagalang zombie, kaya mas mainam na tumakbo kaysa piliting patayin ang lahat ng makakasalubong. Ang Dead Island 2 ay isang zombie game na pinagsama-sama ang makukulay at malikhaing kapaligiran pati na ang nakakaaliw na labanan, kaya maganda ito kung naghahanap ka ng masaya at puno ng aksyong zombie game.
7. Days Gone
Ang Days Gone, mula sa developer na Bend Studios, ay isang open-world action zombie game na ginaganap sa luntiang kagubatan ng post-apocalyptic Pacific Northwest. Ginagampanan ng mga player ang role ni Deacon St. John—biker, bounty hunter, at survivor—habang kinakaharap niya ang mga na-infect na Freakers at mga agresibong grupo ng tao. Sa iyong paghahanap sa nawawala mong asawa, makikipag-alyansa ka sa mga kampo ng survivor, mangongolekta ng mga supply, at magpapalakas ng iyong mga sandata. Sa salat at unti-unting nasisirang mundo ng Days Gone, kasinghalaga ng pagpapakarga ng gasolina at pag-aayos ng motorsiklo ang pamamahala sa bala at kalagayan ng mga sandata.
Ang Days Gone ay isang mahusay na laro kung nais mo ng masayang isahang player na zombie survival game na nakatuon sa karanasan ng kuwento. Malawak ang kapaligiran sa laro at puno ito ng mga kahanga-hangang tanawin, mga luntiang kagubatan, tuyong disyerto, at nagyeyelong kapatagan. Ang madilim at nakakabalisang presensya ng Freakers ay maaaring nagkukubli sa bawat sulok, at ang kakulangan sa mga mapagkukunan ay nagbibigay ng kakaibang twist sa karaniwang zombie formula ng Days Gone.
8. State of Decay 2
Ang State of Decay 2 mula sa developer na Undead Labs ay isang third-person zombie survival game kung saan hanggang apat na co-op player ang maaaring magligtas sa mga nakaligtas sa zombie apocalypse, muling bumuo ng sibilisasyon, at protektahan ang mga survivor sa pamamagitan ng pagpapalawak ng mga mapagkukunan at pagsasamantala sa open-world na kapaligiran ng laro.
Mahalaga ang pag-iipon ng mga gamit at ang maingat na pamamahala ng mga ito upang matiyak na may access ka at ang iyong mga NPC sa mga bagay tulad ng gamot, bala, at pagkain na susi sa pagpapalawak ng iyong ligtas na kanlungan, kasabay ng pagtanggap ng iba't ibang misyon para sa mga survivor. Ang mga zombie sa State of Decay 2 ay palaging banta sa paligid, at madali kang malulula sa kanila. Kung mahilig ka sa mga tradisyonal na survival game at pagbuo ng mga kampo at pamamahala ng yaman, maaaring ang State of Decay 2 ang zombie video game na para sa iyo.
9. World War Z: Aftermath
Ang World War Z: Aftermath ng developer na Saber Interactive ay isang third-person co-op zombie shooter na namumukod-tangi dahil sa pinakamalalaki at pinakamabilis na grupo ng zombie sa mga video game. Hango sa pelikulang may parehong pamagat, maaaring pumili ang mga player mula sa walong klase—Dronemaster, Exterminator, Fixer, Gunslinger, Hellraiser, Medic, Slasher, at Vanguard—habang binabaril at malapitang inaatake nila ang mararahas na pagdagsa ng mga zombie.
Ang pakikipagsapalaran ay nagbubukas sa sunod-sunod na mga misyon ng kuwentong nagaganap sa iba’t ibang panig ng mundo mula Russia hanggang Rome at Vatican City. Ang World War Z: Aftermath ay may suporta para sa apat na player co-op, pero nagbibigay rin ito ng mga AI na kakampi kung kulang ang iyong grupo. Para sa mga player na naghahanap ng matinding karanasan sa shooter na puno ng mabilisang aksyon at mga zombie na uhaw sa utak, hindi mo na kailangan pang lumayo World War Z: Aftermath ang para sa iyo.
10. Dying Light
Ang Dying Light mula sa developer na Techland ay ang nakatuon sa parkour na zombie action game na namumukod-tangi dahil sa pagtuon nito sa paggalaw. Ang open-world na kapaligiran ng laro ay nagsisilbing playground mo kung saan maaari kang umakyat sa mga gusali at tumawid sa mga bubong habang iniiwasan ang mga kawan ng zombie, tinutuklas ang mga liblib na lugar, at nananatiling buhay.
Ang umaga at gabi ng Dying Light ang patuloy na nagpapabago sa takbo ng laro. Sa araw, ang mga zombie ay mabagal at kadalasang lumalabas lamang sa maliliit na grupo. Pero pagsapit ng gabi, lumalakas sila, nagiging mas agresibo, at mas marami. Kailangan ng mga player na maglagay ng mga bitag at humanap ng masisilungan tuwing gabi para hindi sila madaig.
Hindi tulad ng ibang zombie video game, ang Dying Light ay mas nakatuon sa kilos at liksi kaysa sa lakas ng mga armas. Kaya mas mabilis ang karanasan sa laro kumpara sa karamihan ng mga zombie survival game at first-person shooter.
Maghanap pa ng mga zombie game na lalaruin sa Epic Games Store
Ilan lang ito sa mahuhusay na zombie game sa PC na available sa Epic Games Store, pero marami pang ibang available kung gusto mo pa ng iba. Alamin ang lahat ng mga zombie game na available sa Epic Games Store para sa iba pang larong tampok ang mga gutom na hukbo ng zombie.