Balita
Preview ng ilalabas ng Epic Games Store sa 2026
D
Diego Nicolás Argüello
Nasa unahan at sentro ang mga higanteng AAA, kabilang ang bagong pangunahing kabanata sa serye ng Resident Evil, ngunit may hanay din ng mga independiyenteng laro mula sa parehong bago at matatagal ng mga studio na tiyak na magpapasigla sa lahat, mahilig ka man maglaro ng co-op kasama ang mga kaibigan o hamunin ang iyong mga kasanayan sa ritmo at puzzle.
Wala nang patumpik-tumpik pa, narito ang pasulyap sa hinaharap ng gaming.
The Legend of Heroes: Trails Beyond the Horizon
Petsa ng Paglabas: Enero 15
Ang The Legend of Heroes ay isa sa mga seryeng matagal nang umiiral, may ilang dekada na, kung saan ang unang entry ay inilabas noong 1989. Ngayon, sa pamamagitan ng modernong lente, nagbabalik ang RPG na may bagong kabanata para kay Van Arkride at sa mga miyembro ng Arkride Solutions kung saan nakataya ang kinabukasan ng kontinente ng Zemuria.
Nagtatampok ang The Legend of Heroes: Trails Beyond the Horizon ng ilang bagong mechanics na dapat matutunan at makabisado, na umuulit sa sistema ng labanan na ipinakilala sa Trails Through Daybreak. Kabilang dito ang mga Shard Command, kung saan maaari mong gamitin ang mga S-Boosts para mapalakas ang iyong grupo habang nakikipaglaban, pati na rin ang pagmamanipula ng oras mismo gamit ang Z.O.C., kung saan mapapabagal mo ang bilis ng kalaban para sunod-sunod na makaatake ang iyong mga karakter. Bawat taon, napapansin ang mga bagong RPG, ngunit kakaunti sa mga ito ang kasing-ambisyoso ng The Legend of Heroes, na inuulit ang dekada ng mga nakaraang karanasan.
High on Life 2
Petsa ng Paglabas: Pebrero 13
Baril na nagsasalita?! Tama, at bumalik ito sa pangalawang pagkakataon. Ang masigla at magulong mundo ng High on Life ay magkakaroon ng sequel, tampok ang banta ng intergalaktikong sabwatan, mga sandatang may mukhang kinakausap ka, at... skateboard. Alam ng lahat na mas maganda ang mga sequel kapag may skateboard.
Ipinagpapatuloy ng High on Life 2 ang kuwento matapos ang mga kaganapan sa nauna nitong laro. Isang misteryosong pigura mula sa nakaraang bida ang muling lilitaw at maglalagay ng presyo sa ulo ng iyong kapatid na babae. Mabuti na lang at mayroon kang iba’t ibang mabibilis na galaw at iba’t ibang kagamitang magagamit mo para lumaban. Tandaan mo lang na gamitin mo nang maayos ang mga armas mo.
Resident Evil Requiem
Petsa ng Paglabas: Pebrero 27
Mula nang ilabas ang Resident Evil 7: Biohazard at ang remake ng Resident Evil 2 , mas lalong pinagtibay ng prangkisa ang tapang at ang nakakatakot na ambiance ng mga unang release. Ngayon, pinagtitibay ng Resident Evil Requiem ang ideyang ito habang nagtatampok din ng mga bagong natatanging karakter at ilang pamilyar na mukha sa susunod na kabanata ng Umbrella Corporation.
Bilang si Grace Ashcroft, isang intelligence analyst ng FBI, iimbestigahan mo ang pagkamatay ng isang miyembro ng pamilya sa nakakatakot at abandonadong hotel. Ano naman ang maaaring mangyaring masama, hindi ba? Bilang Grace, makakaasa ka sa modernisadong pag-ulit ng sistema ng labanang nasa mga pinakabagong entry, na may dagdag na mga bagong bagay tulad ng malayang paglipat sa pagitan ng pananaw ng una at ikatlong tao. Bagama’t ibabalik ng kuwento si Grace sa wasak na Raccoon City at sa mga pamilyar na lokasyon nito, hindi pareho ang pakiramdam o hitsura.
007 First Light
Petsa ng Paglabas: Marso 27
Matagal nang pinag-iisipan at pinapaganda ng IO Interactive ang pormula ng Hitman, at ang susunod na kabanata ng studio ay may kasamang bagong bersyon ng klasikong karakter. Ilalagay ka ng 007 First Light sa posisyon ng batang James Bond, na mapamaraan at padalos-dalos habang ginalugad mo ang bagong kwento ng pinagmulan ng sikat na espiya.
Sa standalone at muling inisip na kuwentong ito, haharap ka sa mga misyon, magmamaneho ng mga sasakyan, at makikilahok sa masigla at sinematikong aksyong siyang kilala sa prangkisa. Katulad ng mga larong Hitman, binibigyan ka ng opsyong lapitan ang mga misyon nang tahimik o nang may isa o dalawang malakas na putok. Kung pipiliin mo ang una, magagamit mo ang mga gadget o lolokohin mo ang mga guwardiya para makapasok ka sa mga pribadong lugar at makapunta sa iyong layunin. Ikaw ang gagawa sa bagong kuwentong ito ni James Bond.
Big Walk
Petsa ng Paglabas: 2026
Ang kahangalan at komedya ng Untitled Goose Game ay nagbigay-kahulugan sa isang sandali sa mga laro. Ngayon, sumasabay na ang mga developer sa uso na mga immersive at interaktibong karanasan sa maramihang player na nagawa sa dose-dosenang group chat sa nakalipas na ilang taon upang magpakita ng pakikipagsapalaran tungkol sa pagtutulungan at pakikipag-usap.
Inaatasan ka ng Big Walk na makipagtulungan sa mga kaibigan mo sa isang open world na puno ng mga puzzle at hamong haharapin ninyo nang magkakasama. Mahalaga ang komunikasyon, dahil makakakita ka ng mga kagamitan at laruan para manatiling nakikipag-ugnayan at nakikipagtulungan sa iba mula sa malayo. Gayunpaman, sa kaibuturan nito, isa itong laro tungkol sa panloloko sa iyong mga kaibigan, o simpleng pakikipag-usap lang tungkol sa buhay habang pinapanood ang virtual na paglubog ng araw sa harap mo. Tulad ng bawat pangmaramihang player na laro, ang espasyong kinaroroonan mo ang nagsisilbing pangunahing daluyan para umusad ang usapan.
Star Wars: Zero Company
Petsa ng Paglabas: 2026
Matagal-tagal na rin mula noong huling laro sa serye ng XCOM, at alam ito ng studio na Bit Reactor. Binuo ng mga beterano ng Firaxis Games, na kilala sa parehong XCOM at Civilization, nakikipagtulungan ang Bit Reactor sa Respawn sa isang turn-based tactics game na may tagpuan sa Star Wars universe.
Inaatasan ka ng Star Wars: Zero Company na pamunuan ang isang elite na squad sa pamamagitan ng bago at matapang na kuwento sa iconic na prangkisa. Kung pamilyar ka sa XCOM, marami kang makikitang pamilyar dito. Sa panahon ng labanan, mahalaga ang pagpoposisyon, dahil ang bawat miyembro ng squad ay may kani-kaniyang kalamangan at kahinaan. Aatasan kang magsagawa ng mga estratehiya at bumuo ng mga tamang sinerhiya upang malampasan ang bawat engkuwentro nang walang anumang pinsala hangga’t maaari. Gaya ng dati, asahan ang maraming aksyon ng lightsaber.
Last Flag
Petsa ng Paglabas: 2026
Marami nang maramihang player na shooter, pero nilalayon ng Last Flag na patunayan na laging may puwang para sa mga bagong ideya. Gaya ng ipinahihiwatig ng pangalan, ang paparating na laro mula sa developer na Night Street Games ay nakasentro sa konsepto ng klasikong Capture the Flag mode. Muling inilarawan ito bilang mabilis at third-person na team shooter, na may napakaraming contestant na puwedeng pagpilian.
Sa mga laban, may 60 segundo ka para maghanap ng taguan para sa iyong watawat. Pagkatapos noon, kailangan mong makipagtulungan sa iyong mga kasamahan sa team upang kontrolin ang mapa at pigilan ang kalabang team na mahanap ang inyong watawat, habang hinahanap ninyo ang kanila. Kung sino man ang magdala ng watawat ng kalaban sa sarili nilang base ang panalo. May kanya-kanyang firepower at natatanging kakayahan ang bawat contestant, na tinitiyak ang iba’t ibang estilo ng paglalaro na mapagpipilian at makakabisado. Anuman ang gawin mo, siguraduhing protektahan ang iyong watawat anuman ang mangyari.
Lords of the Fallen 2
Petsa ng Paglabas: 2026
Mula nang malawakang gamitin ang mga SSD, maraming developer na ang gumagamit ng konsepto ng mabilis na paglipat sa iba’t ibang realidad at pananaw sa mga laro. Ngunit ilan lamang ang naging kasing-epektibo ng Lords of the Fallen, kung saan maaari kang gumamit ng lampara upang maglakbay sa pagitan ng mga kaharian ng mga buhay at patay. Ang paggawa nito ay hindi lamang para sa palabas, dahil ang mga landas, kaaway, at mga natuklasan ay ganap na magkaiba sa pagitan nila, kahit na teknikal kang nakatayo sa parehong lugar.
Patuloy na isinusulong ng Lords of the Fallen 2 ang konsepto, na nagpapakita ng mas malaking taya sa dark fantasy action-RPG. Nakasentro ang sequel sa isang imortal na kaaway, sa isang kahariang winasak ng digmaan na gumuguho mula sa loob, at sa hanay ng mga nilalang na kakalabanin. Isa pa rin itong “Soulslike” nang lubusan, mas may kumpiyansa, marahas, at ambisyoso lang kaysa sa nauna rito.
Mixtape
Petsa ng Paglabas: 2026
Maaari kang dalhin kaagad ng tamang kanta sa ibang panahon at espasyo, maging oras man ito na ginugol mo kasama ang isang kaibigan, biyahe sa kotse habang nakatingin sa labas ng bintana at unti-unting lumulubog ang araw, o bakasyong lagi mong pinapangarap na mangyari muli. Ang Mixtape ay matamis at mapait na pagpupugay sa musika, tampok ang huling gabi ng tatlong magkaibigang naglalakbay sa huling pakikipagsapalaran bago sila maghiwalay. At ang nagbibigkis sa kanila at nagpapahintulot na maalala ang mga nakaraang karanasan ay mixtape, siyempre.
Ang ginawang playlist, tampok ang musika nina Devo, The Smashing Pumpkins, Siouxsie and the Banshees, Joy Division, The Cure, at marami pang iba, ay nagbubukas para sa isang gabi ng “naaalala mo nang?” na walang katulad. Ang pagsi–skate sa mga kalye sa suburban, pagkuha ng mga litrato pagkatapos ng oras ng trabaho sa abandonadong theme park, paglabag sa batas… Ang Mixtape ay isang serye ng mga naratibong vignette na nagsasaliksik sa mga sandaling humubog sa tatlong karakter, na nag-aanyaya sa ating pagnilayan ang ating mga karanasan. Naaalala natin ang lahat ng iniwan ng panahon, at kung paano tayo naibabalik ng musika, kahit panandalian lamang.
Super Meat Boy 3D
Petsa ng Paglabas: 2026
Walang cube ng karne sa mundo na kasingtatag ng Super Meat Boy. Nagbabalik ang klasikong napakatatag na platformer na may ibang pananaw, nang hindi tinatalikuran ang orihinal nitong diwa. Inaatasan ka ng Super Meat Boy 3D na iligtas ang iyong prins- pasensya na, nobya, mula sa kamay ng masamang halimaw. Gayunpaman, kailangang mong dumaan sa dose-dosenang antas na may mga lagari, bitag, apoy, at lahat ng uri ng makinaryang nilalayong pigilan ka sa iyong mga landas.
Katulad ng orihinal na laro, ginagantimpalaan ng Super Meat Boy 3D ang mabibilis na reflex at, higit sa lahat, ang pasensyang mamatay nang paulit-ulit hanggang sa makabisado mo ang isang yugto. Pagkatapos, magagawa mo itong muli. Nagbabalik din ang mga antas ng Dark World, na mga alternatibong bersyon ng mga yugtong kahit papaano ay mas mahirap pa. Hindi kailanman naging para sa mahihina ang loob ang Super Meat Boy, pero bahagi iyon ng kagandahan nito.
Zero Parades
Petsa ng Paglabas: 2026
Ang kasalukuyang lineup ng ZA/UM, ang developer ng modernong klasikong RPG na Disco Elysium, ay inaanyayahan kayo sa mundo ng Zero Parades. Dito, maglalaro ka bilang si Hershel, isang dating top operant na naipit sa komplikadong web ng pag-eespiyang kinasasangkutan ng pagbura ng alaala, mga nabigong programa sa kalawakan, at mga ini-isponsoran ng estadong pop star.
Sa Disco Elysium, hindi nakakahina ng loob ang kabiguan—patunay ito sa imperpektong pagkatao ng bida, na nagreresulta sa mga kadalasang nakakatawa ngunit makahulugang kaganapan. Ganito rin ang konsepto ng Zero Parades, na nagpapahiwatig na hindi maiiwasan ang kabiguan, ngunit ito rin ang nagbubukas ng mga bagong pagkakataon. Ipinapakita nito ang surrealism na hinaluan ng sikolohikal na lalim, kung saan hinuhubog si Hershel, hindi lamang ng iyong mga aksyon, kundi pati na rin ng paraan ng pagpapatakbo ng lungsod at ng mga naninirahan dito.
Control Resonant
Petsa ng Paglabas: 2026
Sa Control ng Remedy Entertainment, inaatasan kang hanapin si Dylan Faden sa kaibuturan ng napakalaki at pabago-bagong maze ng Federal Bureau of Control. Ngayong malaya na si Dylan sa pasilidad, inatasan siyang hanapin ang kanyang kapatid na babae at ang bida sa Control na si Jesse Faden sa kasagsagan ng isang supernatural na krisis. Habang ang unang laro ay isang third-person shooter, sa Control Resonant, hawak ni Dylan ang nagpapalit ang hugis na malapitang armas, na ganap na binabago ang bilis at tindi ng labanan.
Ang Control Resonant ay sequel ng unang laro na nagaganap sa labas ng bureau, partikular sa Manhattan, na puno ng mga kalaban. Katulad ng kapatid niyang babae, may access si Dylan sa mga kakayahang maaari mong maipakita at palakasin sa paglipas ng panahon. Kailangan mo man ng martilyong pang-dalawang kamay o espadang may dalawang talim, handa itong ibigay ng Aberrant, na tutulong sa iyo habang mas nagtatagal ka sa lungsod at hinahanap ang mga sagot sa mga kakaibang pangyayaring sumalanta sa mga kalye. Hinuhubog nito ang realidad sa bawat hakbang na iyong tinatahak.
People of Note
Petsa ng Paglabas: 2026
Ang konsepto ng mga larong may ritmo ay patuloy na nagbabago patungo sa mga bago at kapana-panabik na anyo, at ang People of Note ay isa sa mga pinakakilala at pinakakawili-wiling halimbawa nitong mga nakaraang panahon. Ipinakilala bilang turn-based RPG musical na inilalathala ng Annapurna Interactive, ang bawat labanan ay may kanya-kanyang musikal na pagtatanghal. Sa panahon ng labanan, asahan mo ang mga atakeng nakabatay sa ritmo sa totoong oras, mga mashup na nagpapabago sa genre, at mga kondisyon ng labanang maaaring magpabago sa timeline sa screen sa maraming paraan, na nakakaapekto sa mga kilos mo at ng iyong mga kalaban.
Gagampanan mo ang papel ng bida na si Cadence, isang pop singer na naghahangad ng kasikatan. Para makamit ang kanyang layunin, kailangan niyang kumuha ng mga musikero na kabilang sa iba’t ibang eksena at genre ng musika, mula sa rock star hanggang sa mahilig sa EDM, upang makalikha ng grupo ng mga hindi nababagay na makakasama niya. Ipinapakita ng People of Note ang sarili nito bilang isang masiglang timpla ng musika at inspirasyon mula sa iba’t ibang genre ng video game, at tila tinatamaan nito ang lahat ng tamang nota para makagawa ng napakagandang palabas.
Tingnan ang lahat ng kamangha-manghang larong ito sa Epic Games Store sa 2026!