Binubuo ng mga mga aksiyon-pakikipagsapalarang laro ang ilan sa mga pinakasikat na laro sa mundo. Kokontrol ang mga player ng karakter na may ilang kasanayan, kakayahan sa paggalaw, at haharapin nila ang mga hamon sa buong laro. Nakabatay sa antas ang ilang laro, pero niyayakap na rin ng genre ang genre ng bukas-na-mundo. Kailangang lumaban, tumalon, umakyat, at humakot ng loot ang mga player habang umuusad sila sa mundo.

Walang iisang pamantayan para sa aksiyon-pakikipagsapalarang laro. Ang mga ito ay puwedeng maging 2D, 3D, simple, o may mga kumplikadong character tree na may mga elemento ng RPG. Karaniwang ang player ang nag-iisa at totoong bayani ng laro. Isang karakter na kung saan nakasalalay ang kuwento para pausarin ang lahat ng bagay. Marahil nang may pag-aatubili, marahil pinili ng kapalaran, o marahil ginagawa niya lang ito dahil gusto niya ito. Dadalhin siya ng mga desisyon niya sa isang tila mala-epikong pakikipagsapalaran.

Ang mga hamong haharapin ng mga player ay pinaghalo-halong puzzle, paggalaw, labanan, at marami pang iba. Ang mga quest ay puwedeng dagdagan ng mga side-quest, mga pagtuklas sa lupain, mga NPC na nangangailangan ng tulong, o mga simpleng paghahanap ng loot. May mga elemento ng RPG na nakapasok sa genre, kabilang ang pag-customize ng karakter, stats, mga tech tree, at mga pag-uusap. Medyo malabo na ang mga hangganan ngayon.

May ilang modernong genre na puwedeng kilalanin bilang mga aksiyon-pakikipagsapalarang laro. Puwedeng ituring ang mga soulslike bilang mga aksiyon-pakikipagsapalarang laro. Kahawig ng mga RPG ang kumplikadong mundo ng mga ito, pero maraming labanan, boss battle, loot, at pagtuklas dito. Ang mga survival na horror na laro ay may katulad na panuntunan ng pakikipagsapalaran, pagkuha ng loot, at labanan sa genre. Kadalasang mga 2D at aksiyon-pakikipagsapalarong laro ang mga game ng Metroidvania, kung saan mahalaga ang mga puzzle at pagtuklas, gayundin ang pakikipaglaban.

Kung maraming bagay na dapat gawin ang player at kailangan niyang umasa sa sarili niyang pisikal na kasanayan nang higit sa lahat, malamang na aksiyon-pakikipagsapalarang laro ito.

Maraming aksiyon-pakikipagsapalarang laro ang may mga buong team ng mga manunulat na bumubuo ng mundong dapat tuklasin ng player. Mula sa mga simpleng kuwentong kung saan kailangang mahukay ang mga artifact sa mga libingang puno ng puzzle hanggang sa mga post-apocalyptic na laro, kung saan nakalimutan na ng mga tao ang kanilang mga nakaraan at kumalat ang mga bagong nilalang sa Earth. Sinisikap ng karamihan ng mga tent-pole na aksiyon-pakikipagsapalarang larong magkaroon ng magandang takbo ng kuwento, mga hindi malilimutang karakter, pasabog, at kasiya-siyang wakas.

Ang halos lahat ng aksiyon-pakikipagsapalarang laro ay may mga puzzle na humahamon sa player na mag-isip at lusutan ang isang sitwasyon. Ang ilan sa mga puzzle na ito ay mga simpleng lohikang puzzle na puwedeng talunin sa kaunting pag-iisip; ang iba ay mga antas na puwedeng baguhin ng player ang pagkakaayos. Puwede nilang pagpalitin ang malalaking lever at ilipat-lipat ang mga platform.

Walang totoong sagot sa tanong na iyan. Ang pinakamagandang pakahulugan ay bibigyang-daan ng mga aksiyon-pakikipagsapalarang laro ang mga player na harapin ang mga pisikal na hamon ng mga antas, tulad ng pagtakbo at pagtalon, samantalang kadalasang maraming magagamit na paraan sa RPG para makumpleto ng player ang mga hamon. Mas kumplikado ang mga RPG at bibigyang-daan pa nito ang mga player na makipag-usap para makatakas sa gulo.